Trú-frelsið er yndislegt (?)

 

Þótt að orðið trúfrelsi, sé mjög skemmtilegt og flott orð/hugtak er ekki endilega rétt sú staðreynd  að trúfrelsið sé til þess komið að frelsa og bæta samfélagið.

Því eins og flestir vita, er trú þeirra sem vilja koma saman í moskubyggingu ekki til þess fallin að auka annarskonar frelsi. Þá er ég að tala um frelsi kvenna, samkynhneigðra, og þeirra sem ekki trúa á múhammed spámann.

Því finnst mér það afar einkennilegt að margir siðmenntaðir ( ? ) íslendingar séu í óða önn þessa daganna, að greiða leið þessarar trúar er kennd er við múhammed.

Ekki virðast þessir aðilar hafa mikil rök á takteinum, þegar þeir eru að greiða leið þessarar trúarbragða aðra en þá, að hugtakið TRÚFRELSI  þurfi að standa undir nafni í þjóðfélagi voru.

Þegar þeir sem hafa séð hvað gerist í öðrum löndum, er trú múhammeds kemur þar inn, tjá sig um þær uppákomur, er þeim umsvifalaust líkt við nazista og álíka hópa af blessuðum fjölmenningarsinnunum.

Það finnst mér mjög  kjánalegt af þeim að gera, og vonandi er enn eitthvað eftir af skynsömum og kjarkmiklum íslendingum, sem vilja koma í veg fyrir að íslensk þjóð þurfi að horfa smátt og smátt á eftir réttindum kvenna og samkynhneigðra, og þeim trúarhópum sem viðurkenna ekki múhammed.

Því það eru allar blikur á lofti í þá átt, að fái múhammedstrú smá byr undir vængi, verða þeir vængir að verndarvængjum sem vernda aðeins þá sem aðhyllast múhammed.

Þá fyrst byrjar fjaðrafokið að alvöru.