Sálarlaust í Sumarlandinu ?

Fyrir nokkrum árum tók ég eftir auglýsingum á útvarpi sögu, um bókina ; SUMARLANDIÐ

En bók þessi virðist sannfæra marga um að hægt sé að sleppa við helvíti og líka himnaríki, og detta þess í stað inn í nokkurskonar  ,,milli-himnaríki" sem er ekki háð afleiðingum gjörða okkar í þessu lífi.

Eins hver heilvita maður sér (vonandi) þá er svona; engar afleiðingar kenning, stórhættuleg mannlegu samfélagi.

Ef t.d  löggan gæfi út, að allir helstu krimmar landsins fái bara ,,sumarlands sekt" sem mætti bara borga þegar krimmonum hentar. Þá er deginum ljósara, að krimmar verða bara áfram krimmar og nokkru verri en nokkurn tíma áður.

Það er skaparinn sjálfur sem ræður því hvernig við borgum fyrir syndir okkar, hvort sem okkur líkar það betur eða verr. 

Engin hjáleið er til þó að menn óski þess heitt, og er bókin; Sumarlandið skrifuð af manni sem treysti sér ekki til að fylgja lögum Guðs, og lét sig dreyma um sitt eigið ,,himnaríki" sem væri ekki háð ,,leiðinda" lögum Guðs, heldur sínum eigin duttlungum og draumum.

 

Andar á andafundum eru ekki andar ættingja okkar eða vina, og ekki heldur eru svipir eða vofur tengdar látnu fólki. Heldur eru hérna á ferðinni blekkingar miklar sem eru settar á svið, einungis til að fá fólk til að trúa einhverju öðru heldur en Biblían segir okkur um líf eftir dauðann.

Fólk sem hefur skilið við þetta jarðlíf, getur ekkert sagt eða gert, og er sem í svefni. Því hefur það engin tök á því að koma fram sem vofur, eða raddir á miðilsfundum.

Þú getur farið á ótal miðilsfundi, eða lesið sumarlandið hundrað og fimm sinnum, en samt sem áður er Biblían alltaf með þessa hluti rétta. Látum ekki afvegaleiðast enn frekar, og lesum því vel og trúum orði Guðs.

Því miður er bókin; Sumarlandið, afspyrnu léleg tilraun óvinar Biblíunnar, til að afvegaleiða saklausar sálir á ímyndaðan stað sem er að öllum líkindum ekki til, og líkist ekki sönnu himnaríki á einn eða neinn hátt. Gangið því inn í hið sanna ljós, sem er leitt af Kristi og kenningum hans.